Parašenka: Nijakich pieramovaŭ ab źmianieńni miežaŭ Ukrainy być nie moža
Prezident Ukrainy Piatro Parašenka zajaŭlaje, što nijakaha handlu z nahody źmieny dziaržaŭnaj miažy na ŭschodzie Ŭkrainy być nie moža.
Pra heta jon zajaviŭ siońnia ŭ Kijevie padčas pravierki hatoŭnaści pahraničnych padraździaleńniaŭ da vykanańnia mierapryjemstvaŭ u ramkach realizacyi mirnaha płana.
«Dziaržaŭnaja miaža Ukrainy prachodziła, prachodzić i budzie prachodzić tam, dzie jana zafiksavana mižnarodnymi damovami, dzie jana pryznana suśvietnaj supolnaściu», — skazaŭ Parašenka.
Prezident adznačyŭ, što dziaržmiaža źjaŭlajecca klučavym elemientam suvierenitetu terytaryjalnaj cełasnaści Ukrainy. «I nijakich tarhoŭ, nijakich damoŭlenaściaŭ ab nibyta pieradačy abo pieramiaščeńni ŭkrainskaj miažy być nie moža», — padkreśliŭ Parašenka, zaŭvažyŭšy, što ŭsie inšyja traktoŭki adnosna linii ŭkrainskaj miažy źjaŭlajucca palityčnymi śpiekulacyjami, jakija bjuć nie tolki pa palityčnych apanientach, a bjuć pa ŭsioj krainie.
«I naša z vami śviatoje zadańnie — hetuju miažu abaranić», — skazaŭ Parašenka, źviartajučysia da pamiežnikaŭ.
Jon padkreśliŭ, što pazicyja ŭłady ŭ pamiežnaj palitycy źjaŭlajecca dakładnaj i niaźmiennaj: «Miaža pavinna być prazrystaj dla ŭsich, chto pryjdzie va Ukrainu ź miram, i nadziejna abaronienaj ad tych, chto maje drennyja namiery i pryjšoŭ da nas z vajnoj».
