Litva pavialičvaje vydatki na abaronu na 30%
Takija ličby zakładzienyja ŭ prajekcie biudžetu na 2015 hod. Pra heta raskazaŭ doktar palityčnych navuk z Vajskovaj akademii Litvy Ludas Zdanavičus, vystupajučy na 4-m Kanhresie daśledčykaŭ Biełarusi ŭ Koŭnie. Heta reakcyja Litvy na ŭzmacnieńnie rasijskaj pahrozy. Raschody na abaronu, takim čynam, dasiahnuć 1,1% ad VUP. NATA, adnak, rekamienduje svaim krainam-siabroŭkam dasiahnuć uzroŭniu vytrat 2% ad VUP, nahadaŭ Zdanavičus.
Adna ź siekcyj Kanhresu nazyvajecca «Ukrainski kryzis — aceńvajučy nastupstvy». Siarod inšych, u joj vystupili biełaruski analityk Valer Karbalevič, były pasoł Polščy ŭ Biełarusi Maryjuš Maškievič, kiraŭnik Kalehiuma Jeŭropy Uschodniaj Varšaŭskaha ŭniviersiteta Jan Malicki, litoŭski daśledčyk Vicis Jurkonis, doktar jurysprudencyi Bremienskaha ŭniviersiteta, redaktar časopisa Belarusian Review Kirył Kaścian.
