Muž padpaliŭ aŭtamabil žonki i atrymaŭ 3 hady
Za padpał aŭtamabila svajoj žonki asudžany 40-hadovy indyvidualny pradprymalnik z Baranavičaŭ.
Jak paviedamiŭ namieśnik načalnika adździeła prakuratury Bresckaj vobłaści Alaksandr Žaško, na momant učynieńnia złačynstva muž i žonka pražyvali asobna. Žančyna pajšła da svaich baćkoŭ paśla taho, jak muž, ubačyŭšy jaje na vulicy z mužčynam, z reŭnaści raspačaŭ bojku.
Kab žonka nie źviartałasia ŭ sud z zajavaj ab spahnańni alimientaŭ na dvuch ich niepaŭnaletnich dziaciej, muž daŭ joj tysiaču dołaraŭ dla nabyćcia aŭtamabila. Žančyna kupiła «Falksvahien Poła» i padała na alimienty. 30 červienia nočču muž padpaliŭ pryparkavanuju kala doma mašynu. U vyniku aŭtamabil zhareŭ amal daščentu. Naniesieny paciarpiełaj uron skłaŭ 30 młn rubloŭ.
16 vieraśnia sud Baranavickaha rajona i horada Baranavičy pryznaŭ mužčynu vinavatym u naŭmysnym paškodžańni majomaści, učynienym ahulnaniebiaśpiečnym sposabam (č. 2 art. 218 KK) i pryhavaryŭ da troch hadoŭ pazbaŭleńnia voli z adbyvańniem pakarańnia ŭ kałonii strohaha režymu.
Naniesieny materyjalny ŭron jon kampiensavaŭ u poŭnym abjomie.
Pryhavor jašče nie nabyŭ zakonnuju siłu.
Raniej mužčyna byŭ trojčy sudzimy.