Siamja emihranta Jurasia S. viarnuła hrošy Valarynie Kustavaj
«Paśla publikacyi ŭ «Našaj Nivie» ŭdałosia zabrać $1500».
U Valaryny Kustavaj adbyłasia sustreča ź siastroj Jurasia. Chłopiec pieraličyŭ hrošy rodnym, a tyja pieradali ich litaratarcy.
«Hrošy pieradali pry śviedkach. Padpisali dvuchbakovuju raśpisku, što nie majem pretenzij. Taksama ja pavinna źniščyć svaje dva dopisy ŭ Fejsbuku pra hetuju historyju. Juraś chacieŭ jašče, kab ja napisała, što heta byŭ paklop. I pahražaŭ za dyskredytacyju padać na mianie ŭ šviedski sud. Ja admoviłasia takoje padpisvać».
Akurat praz zapisy ŭ sacyjalnych sietkach i publikacyju ŭ «Našaj Nivie» pra historyju maładoha emihranta daviedałasia jaho siamja. Rodnyja i ŭzialisia kantralavać viartańnie pazykaŭ. Praces, praŭda, budzie pakutliva doŭhim.
«Dziasiatki ludziej napisali, što Juraś pazyčaŭ u ich hrošy. Niekatoryja i nie buduć čakać ich viartańnia — źniavierylisia ŭ čałavieku», — adznačaje Valaryna. Siarod padmanutych, miž inšych, jość maładyja anhlijskija i šviedskija dypłamaty.
Juraś S. letam pierajechaŭ u Łondan sa Stakholma, dzie žyŭ apošnija niekalki hadoŭ. U suviazi ź pierajezdam jon praviniŭsia Valarynie Kustavaj kala 1500 dalaraŭ. Kali paśla ŭsich abiacańniaŭ hrošy jon tak i nie viarnuŭ, litaratarka publična raskazała pra hetuju historyju.
Miedyjaekśpiertu z Łondana Alaksieju Lavončyku, nyprakład, jon vinien kala $3000, biełaruscy sa Šviecyi — kala $1200, astatnim — mienšyja sumy.
