Supracoŭnika DAI ŭ Minsku źbiŭ biaspraŭnik na skradzienym «Fijacie»
Hałoŭnym śledčym upraŭleńniem zavieršana rasśledavańnie kryminalnaj spravy ab hibieli supracoŭnika DAI Pieršamajskaha rajona h. Minska ŭ mai biahučaha hoda.
Jak paviedamlałasia raniej, a hadzinie nočy na praśpiekcie Niezaležnaści aŭtamabilem «Fijat» byŭ ździejśnieny najezd na inśpiektara darožna-patrulnaj słužby pry ažyćciaŭleńni im svaich słužbovych abaviazkaŭ. Supracoŭnik milicyi ad atrymanych paškodžańniaŭ pamior na miescy. Kiroŭca aŭtamabila ź miesca zdareńnia ŭciok, ale byŭ zatrymany ŭ samyja karotkija terminy ŭ vyniku zładžanych i pravilnych dziejańniaŭ kalehaŭ zahinułaha.
U chodzie rasśledavańnia kryminalnaj spravy było vyśvietlena, što aŭtamabil «Fijat», jakim kiravaŭ abvinavačvany, byŭ im uhnany ŭ toj samy viečar niezadoŭha da zdareńnia.
Śledčyja staranna vyvučyli i adnavili padziei taho viečara. Praviedzieny šerah składanych ekśpiertyz. Ustanoŭlena, što na momant ździajśnieńnia DTZ mužčyna znachodziŭsia ŭ stanie ałkaholnaha apjanieńnia, pieravysiŭ dazvolenuju jona dadzienym učastku chutkaść, byŭ pazbaŭleny prava kiravańnia transpartnym srodkam na piać hadoŭ.
Dziejańni abvinavačanaha kvalifikavany pa č.4 art.317 (Parušeńnie praviłaŭ darožnaha ruchu, u stanie ałkaholnaha apjanieńnia, što paciahnuła pa nieaściarožnaści śmierć čałavieka), č.1 st.214 (Zhon transpartnaha srodku), č.2 st.317-1 (Upraŭleńnie transpartnym srodkam asobaj, jakaja znachodzicca ŭ stanie ałkaholnaha apjanieńnia), st.417 (Uchileńnie ad vykanańnia prysudu suda), st.418 (Uchileńnie ad pakarańnia ŭ vyhladzie štrafu) Kryminalnaha kodeksa Respubliki Biełaruś.
Kryminalnaja sprava pieradadziena prakuroru dla nakiravańnia ŭ sud.
