Biełaruś i Vienhryja padpisali mižuradavuju prahramu ab supracoŭnictvie ŭ śfiery adukacyi
Biełaruś i Vienhryja padpisali mižuradavuju prahramu supracoŭnictva ŭ śfiery adukacyi na 2014—2016 hady. Jak paviedamlaje pres-słužba MZS Biełarusi, dakumient byŭ padpisany 8 vieraśnia ŭ Budapiešcie.
Pad prahramaj pastavili podpisy pasoł Biełarusi ŭ Vienhryi Alaksandr Chajnoŭski i dziaržaŭny sakratar MZS Vienhryi Piter Sijarta.
Realizacyja prahramy supracoŭnictva ŭ śfiery adukacyi budzie sadziejničać raźvićciu raznastajnych form uzajemadziejańnia ŭ halinie adukacyi, pramych kantaktaŭ pamiž ustanovami vyšejšaj adukacyi, navukovymi i daśledčymi arhanizacyjami dźviuch krain, adznačajecca ŭ paviedamleńni.
Dakumient praduhledžvaje abmien studentami, mahistrantami i aśpirantami. Štohod 50 hramadzian Biełarusi buduć mieć mahčymaść vučycca ŭ vienhierskich ustanovach vyšejšaj adukacyi jak na vienhierskaj, tak i na anhlijskaj movach na nastupnych kirunkach: sielskahaspadarčyja navuki, pryrodaznaŭčyja navuki, matematyka, technika i technałohii, bijatechnałohii, mižnarodnyja adnosiny, vyvučeńnie adnosinaŭ u Jeŭrapiejskim sajuzie, muzyka.
Praduhledžvajecca vydzialeńnie stypiendyj vienhierskim studentam dla navučańnia ŭ biełaruskich VNU.
Pieršy abmien studentami płanujecca ŭ pačatku 2015 hoda.