12 biełaruskich haradoŭ voźmuć udzieł u hłabalnaj ekałahičnaj akcyi pa prybirańni pryrodnych terytoryj
U hłabalnaj ekałahičnaj akcyi pa prybirańni pryrodnych terytoryj «Zrobim!» voźmuć udzieł 12 biełaruskich haradoŭ, uklučajučy Minsk, Homiel, Hrodna, Brest.
Jak paviedamlaje pres-słužba Centra ekałahičnych rašeńniaŭ, prybirańnie ŭ miežach akcyi budzie prachodzić kožnyja vychadnyja z 13 vieraśnia pa 12 kastryčnika. Pieršaja ŭborka projdzie 14 vieraśnia na Zasłaŭskim vadaschoviščy (Minskim mory).
Jak miarkujuć u CER, udzieł Biełarusi ŭ mižnarodnaj akcyi dapamoža navieści paradak u haradach i sielskaj miascovaści, miescach adpačynku, likvidavać niesankcyjanavanyja śmietniki ŭ lasach i na prybiarežnych terytoryjach.
Dałučycca da akcyi ŭ svaim rehijonie mohuć usie achvotnyja. Infarmacyju pra zapłanavanyja punkty prybirańnia na ŭvieś pieryjad akcyi možna daviedacca na sajcie greenmap.by, dzie ŭ režymie realnaha času ŭkazvajucca miescy, na jakich zapłanavanaje abo pravodzicca prybirańnie, a taksama buduć adznačany ŭžo prybranyja terytoryi.
U akcyi niama adzinaha kaardynatara, i luby achvotny moža arhanizavać ułasnaje prybirańnie. Bolš padrabiazna pra heta možna daviedacca na sajtie CER.
Akcyja «Zrobim!» upieršyniu prajšła ŭ 2008 hodzie ŭ Estonii i atrymała padtrymku siarod nasielnictva. Za adzin dzień 50 tysiač dobraachvotnikaŭ sabrali 10 tysiač ton śmiećcia pa ŭsioj krainie. U 2012 hodzie akcyja była pieraŭtvoranaja ŭ «suśvietnaje prybirańnie», da jakoha padklučyłasia bolš za 80 krain, u tym liku Biełaruś.
