U Biełarusi skarektavanyja ahulnavajskovyja statuty
Alaksandr Łukašenka padpisaŭ ukaz № 432 «Ab uniasieńni źmienaŭ va ŭkaz prezidenta Respubliki Biełaruś ad 26 červienia 2001 h. № 355». Dakumientam karektujucca pałažeńni ahulnavajskovych statutaŭ Uzbrojenych sił, jakija zakranuli bolš za pałovu raniej dziejnych artykułaŭ, paviedamlaje pres-słužba prezidenta.
Źmieny praduhledžvajuć pryviadzieńnie ŭ adpaviednaść z zakanadaŭčymi aktami i isnaj arhanizacyjnaj strukturaj Uzbrojenych sił terminałohii ahulnavajskovych statutaŭ. U suviazi ź likvidacyjaj dyscyplinarnaj vajskovaj častki sa statutaŭ vyklučany pałažeńni ab jaje ŭtrymańni i znachodžańni ŭ joj vajennasłužačaha.
U Statucie ŭnutranaj słužby ŭdakładnienyja abaviazki kamandziraŭ (načalnikaŭ) i asnoŭnych słužbovych asob bryhady (pałka), paradak pradstaŭleńnia słužbovych asob pierad pačatkam inśpiektavańnia (pravierki) vajskovaj čaści. Paradak nakiravańnia padraździaleńniaŭ (kamand) u piešym paradku pryviedzieny ŭ adpaviednaść z patrabavańniami praviłaŭ darožnaha ruchu. Z metaj pavyšeńnia efiektyŭnaści ŭnutranaj słužby ŭdakładnieny paradak jaje arhanizacyi, a taksama śpiecyjalnyja abaviazki asob sutačnaha naradu.
Na dziažurnaha pa vajskovaj čaści ŭskładajecca adkaznaść za zachavanaść zbroi i bojeprypasaŭ aficeraŭ i praparščykaŭ vajskovaj čaści, jakija znachodziacca pad jaho achovaj, vyklučajucca jaho abaviazki ŭ dačynieńni da aryštavanych vajennasłužačych u suviazi z adsutnaściu ŭ vajskovych čaściach Uzbrojenych sił vajskovych haŭptvacht.
Uvodzicca norma, jakaja abaviazvaje vajennasłužačych, što prachodziać vajennuju słužbu pavodle kantrakta, paśla zaviaršeńnia lačeńnia ŭ ambułatornych abo stacyjanarnych umovach padavać nieabchodnyja apraŭdalnyja dakumienty.
Pierapracavany paradak achovy sutačnym naradam parkaŭ uzbrajeńnia i vajennaj techniki.
U Statucie harnizonnaj i vartavoj słužbaŭ vyklučany šerah słužbovych asob harnizona ŭ suviazi z arhanizacyjaj zabieśpiačeńnia vajskovych čaściej zhodna z terytaryjalnym pryncypam, a taksama ŭskładańniem niekatorych funkcyj na vajennyja kamiendatury.
Z ulikam praktyki ŭdakładnienyja abaviazki słužbovych asob harnizona.
Statut dapoŭnieny raździełam «Vajennyja kamiendatury», u jakim vyznačajucca pravavy status, asnovy dziejnaści i zadačy vajennych kamiendatur, a taksama abaviazki ich słužbovych asob.
U Dyscyplinarnym statucie źmienieny i dapoŭnieny pieraliki zaachvočvańniaŭ i dyscyplinarnych spahnańniaŭ, što prymianiajucca da vajennasłužačych. Praduhledžvajecca norma, jakaja dazvalaje prymianiać da vajennasłužačych u adpaviednaści z zakanadaŭstvam zaachvočvańni, nie ŭkazanyja ŭ DS.
Udakładnieny pieralik dyscyplinarnych spahnańniaŭ, što nakładajucca na kursantaŭ vajennych navučalnych ustanoŭ u suviazi z raspaŭsiudžvańniem na ich statusu vajennasłužačych, jakija prachodziać vajennuju słužbu pavodle kantrakta, a taksama paradak pryviadzieńnia ŭ vykanańnie dyscyplinarnaha spahnańnia «papiaredžańnie ab niapoŭnaj słužbovaj adpaviednaści». Vyklučana norma pa nakładańni dyscyplinarnych spahnańniaŭ na praparščykaŭ i aficeraŭ, jakaja znachodziacca ŭ zapasie abo ŭ adstaŭcy.