Raśsielhasnahlad viarnuŭ u Biełaruś prykładna 25 ton hatovaj małočnaj pradukcyi i amal 220 tys. jajek
Raśsielhasnahlad viarnuŭ u Biełaruś prykładna 25 ton hatovaj małočnaj pradukcyi i amal 220 tys. jajek, paviedamiła pres-słužba viedamstva.
31 žniŭnia pry kantroli hruzaŭ, što pieramiaščalisia pa terytoryi Mytnaha sajuza, orhanami pahraničnaha i mytnaha kantrolu na aŭtadarozie M13 Bransk — Homiel u pasiołku Krasny Kamień Branskaj vobłaści byŭ zabaronieny ŭvoz dźviuch partyj hatovaj małočnaj pradukcyi. Dvaccać ton małočnaj syrovatki, vyrablenaj STAA «Biełsyr», i 5 ton hatovaj małočnaj pradukcyi AAT «SK «Sož» uvozilisia bieź vieterynarnych siertyfikataŭ. Akramia taho, na praduktach charčavańnia AAT «SK «Sož» byli ŭkazanyja «avansavyja» daty vypracoŭki, u pryvatnaści na markirovačnych etykietkach značyłasia «2 vieraśnia 2014 hoda». Ukazanyja parušeńni źjavilisia padstavaj dla viartańnia pradukcyi ŭ Biełaruś.
Supracoŭnikami adździeła dziaržaŭnaha vieterynarnaha pahraničnaha kantrolu ŭpraŭleńnia Raśsielhasnahladu pa Ćviarskoj i Pskoŭskaj abłaściach u miežach realizacyi kantrolnych mierapryjemstvaŭ pa spynieńni ŭvozu z terytoryi Biełarusi ŭ Rasiju tavaraŭ, vyrablenych u ZŠA, Kanadzie, Aŭstralii, Narviehii i ES, abmiežavanych da ŭvozu, zabaronieny ŭvoz partyi stałovych jajek (219,6 tys. štuk), vyrablenych DP «Hrodzienskaja ptuškafabryka». Tavar supravadžaŭsia vieterynarnym siertyfikatam Mytnaha sajuza VY № 04-00122965, jakim paćvierdžanaje vykanańnie vietpatrabavańniaŭ MS u poŭnym abjomie.
Padčas kantrolu ŭstanoŭlena, što DP «Hrodzienskaja ptuškafabryka», markiroŭka jakoha vyjaŭlenaja na tavary pry praviadzieńni vieterynarna-sanitarnaha nadhladu, nie ŭklučanaje ŭ rejestr arhanizacyj i asob, jakija ažyćciaŭlajuć vytvorčaść, pierapracoŭku i (abo) zachoŭvańnie padkantrolnych tavaraŭ, što pieramiaščajucca z terytoryi adnoj dziaržavy — člena Mytnaha sajuza na terytoryju inšaj. Heta źjaŭlajecca «hrubym parušeńniem vieterynarnych patrabavańniaŭ Mytnaha sajuza», zajavili ŭ Raśsielhasnahladzie. Tamu było pryniataje rašeńnie viarnuć tavar adpraŭniku.
