Kreml prapanavaŭ apublikavać zapis razmovy Pucina z Barozu
Administracyja prezidenta RF hatovaja apublikavać zapis razmovy Uładzimira Pucina z kiraŭnikom Jeŭrakamisii Žaze Manuełam Barozu, «kab źniać usie nieparazumieńni».
Takaja prapanova ŭtrymlivajecca ŭ liście, nakiravanym pastajannym pradstaŭnikom Rasii pry ES Uładzimiram Čyžovym na imia Barozu.
Čyžoŭ daŭ Barozu dva dni, kab paviedamić ab mahčymych piarečańniach suprać publikacyi zapisu. Raniej pamočnik Pucina Juryj Ušakoŭ zajaviŭ, što kiraŭnik Jeŭrakamisii pracytavaŭ słovy rasijskaha prezidenta ab uziaćci Kijeva pa-za kantekstam, skaziŭšy ich sens.
«Heta niekarektna, heta vychodzić za ramki dypłamatyčnaj praktyki, kali heta było zroblena. Heta ŭvohule mnie ŭjaŭlajecca prosta niavartym surjoznaha palityčnaha dziejača», — dadaŭ Ušakoŭ.
1 vieraśnia italjanskaja Repubblica apublikavała apoviad Barozu ab razmovie z Pucinym, pryśviečanaj vajskovamu kanfliktu va Ukrainie. Kiraŭnik Jeŭrakamisii zadaŭ prezidentu Rasii pytańnie z nahody ŭvarvańnia va Ukrainu rasiejskich vojskaŭ. U adkaz, pa słovach Barozu, Pucin pačaŭ pahražać i zaŭvažyŭ, što «pry žadańni voźmie Kijeŭ za dva tydni».