Bajeviki ŁNR zajavili pra źniščeńnie ŭkrainskaha płacdarmu pierad Łuhanskam
H.zv. apałčency samaabvieščanaj Łuhanskaj narodnaj respubliki zaniali nasieleny punkt Viasiołaja Hara, źniščyŭšy apošni płacdarm dla nastupleńnia ŭkrainskich vojskaŭ na Łuhansk,
paviedamiŭ «Interfaksu» u paniadziełak pradstaŭnik «narodnaha apałčeńnia» Łuhanščyny.
Jon adznačyŭ, što nasieleny punkt Viasiołaja Hara Słavianasierbskaha rajona źjaŭlajecca «klučavym punktam, bo dazvalaje kantralavać pierapravu praz Paŭnočny Daniec la horada Ščaście na aŭtadarozie Łuhansk — Starabielsk.
U horadzie Ščaście znachodzicca Łuhanskaja TES — najbujniejšaja krynica elektraenierhii ŭ rehijonie.
Akramia taho, u štodzionnaj zvodcy ŁNR adznačajecca, što pad kantrol bajevikoŭ Danbasa pierajšli nasielenyja punkty Błahadatnaje, Radčanski i Vachrušava, a taksama Jalenaŭka i Małanikałajeŭka.
Kamientaroŭ ukrainskaha boku z nahody hetaj infarmacyi pakul niama.