Padčas pajezdki ŭ Burhundyju Łatuška abmierkavaŭ pytańni realizacyi ekanamičnych i kulturnych prajektaŭ
Pa inicyjatyvie sakratara Franka-biełaruskaha dziełavoha kłuba Ivona Važela 30—31 žniŭnia adbyłasia rabočaja pajezdka pasła Biełarusi ŭ Paryžy Paŭła Łatuški ŭ francuzski rehijon Burhundyja.
Pavodle źviestak pasolstva, praviedzieny pieramovy z pradstaŭnikami francuzskich kampanij pa realizacyi šerahu ekanamičnych i kulturnych prajektaŭ.
U pryvatnaści, z pradstaŭnikom kampanii HBI Groupe adbylisia pieramovy ab mahčymaści arhanizacyi pastavak vielikahruznych samazvałaŭ BiełAZ, u tym liku na afrykanski rynak; z kampanijaj Robin Wood invest abmiarkoŭvałasia pytańnie ab pavieličeńni ekspartu biełaruskich draŭlanych damoŭ u ramkach padpisanaha kampanijaj u mai dylerskaha pahadnieńnia ź filijałam «Domabudavańnie» zavoda hazietnaj papiery. U adpaviednaści z zapytam kancerna «Biellehpram» praviedzieny taksama pieramovy ab prapracoŭcy patencyjalnych pastaŭščykoŭ harbarnaj syraviny dla biełaruskich pradpryjemstvaŭ.
U ramkach uzajemadziejańnia pasolstva z Franka-biełaruskim dziełavym kłubam abmierkavany arhanizacyjnyja pytańni praviadzieńnia ŭ Minsku ŭ kastryčniku kanfierencyi «Budučynia rynku małočnych tavaraŭ».