Supracoŭniki MNS patušyli pažar u adnym z cechaŭ «Kamunarki»

Supracoŭniki MNS likvidavali ŭzharańnie ŭ adnym z cechaŭ kandytarskaj fabryki «Kamunarka» ŭ Minsku, paviedamlaje pres-słužba Ministerstva pa nadzvyčajnych situacyjach.

Pažar zdaryŭsia dniom 19 žniŭnia ŭ cechu pa absmažvańni arechaŭ. Rabotniki MNS, jakija prybyli na vyklik, ustanavili, što ŭ adnapaviarchovym cahlanym budynku cecha zaharelisia adkłady ŭ aparacie dla absmažvańnia «Konci-303» 1976 hoda vypusku. Płošča pažaru skłała čatyry kvadratnyja mietry.

Praz 20 chvilin paśla atrymańnia vykliku połymia było likvidavanaje. Piersanał fabryki nie paciarpieŭ. Ratavalniki ŭstanaŭlivajuć pryčynu ŭzharańnia, razhladajecca viersija ab parušeńni technałahičnaha pracesu.

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

0

0

0

0

0

0