Łukašenka prapanuje vyroščvać na Paleśsi bachčavyja kultury
Alaksandr Łukašenka prapanuje hubiernataram paŭdniovych rehijonaŭ Biełarusi źviarnuć uvahu na vyroščvańnie bachčavych kultur u suviazi sa źmianieńniem klimatyčnych umoŭ.
Ab hetym išła razmova siońnia ŭ čas naviedvańnia kiraŭnikom dziaržavy AAT «Ahrakambinat «Skidzielski».
Alaksandr Łukašenka raskazaŭ, što ŭ hetym hodzie na svaim učastku vyraściŭ i kavuny, i dyni. Pavodle jaho słoŭ, kavuny atrymalisia navat smačniejšyja za astrachanskija.
«Akazvajecca, u nas možna vyroščvać kavuny. I heta ŭ Minsku, nie na poŭdni! A tam i prablem niama nijakich, — ličyć Łukašenka. — Ja na sabie pravieryŭ, što ŭ nas možna vyroščvać bachčavyja. Vučonyja — małajcy».
«Davajcie budziem vyroščvać bachčavyja na Paleśsi. Treba hetym zajmacca, — adznačyŭ kiraŭnik dziaržavy. — Treba pieradać hubiernataram pa kavunu, kab jany pierakanalisia, što heta realna».
