Povar u letniku nie dakładaŭ porcyi dzieciam — «sekanomiŭ» kiłahramy praduktaŭ
Jak paviedamili ŭ Departamiencie finansavych rasśledavańniaŭ pa Homielskaj vobłaści, byli pravierany azdaraŭlalnyja łahiery. Vyjavili šerah parušeńniaŭ.
Najbolš adznačyŭsia łahier «Čonkaŭski bor» u Homielskim rajonie. Šef-povar razam ź inšymi rabotnikami kuchni za dva dni «sekanomiŭ» praduktaŭ na 4 miljony rubloŭ.
U pieršy dzień pravierki ŭ pakoi sutkavaha zapasu praduktaŭ stałoŭki (u 15.00 tut pavinny byli zastacca tolki pradukty na padviačorak i viačeru) kantralory vyjavili liški na 500 tysiač rubloŭ.
Ničyjnymi akazalisia 20 pakietaŭ małaka, 14 pačkaŭ panirovačnych sucharoŭ, 1 kh ziefiru, 2 pački aŭsianych kamiakoŭ, 4 słoiki pavidła, 1 słoik kansiervavanych ahurkoŭ.
Pradukty aformili na skład.
Ale kantralory viarnulisia na nastupny dzień z novaj pravierkaj.
Vynik byŭ šakujučy — šef-povar «sekanomiŭ» u 7 razoŭ bolš: 20 kh śvininy, 10 kh pamidoraŭ, 3 kh ahurkoŭ, 35 pačkaŭ śmietankovaha masła, 30 pakietaŭ małaka, 4 kh ryby, hrečka, jačnyja krupy, čaj, kava, cukar na sumu 3,5 miljony rubloŭ.
Pradukty byli rasfasavanyja pa asobnych skrynkach.
Łabaratornyja daśledavańni paćvierdzili, što dzieciam u łahiery ŭ ježu nie dakładali pradukty. I porcyi byli mienšyja na 15-20 pracentaŭ.
Spravaj zajmajucca pravaachoŭniki.
