«Biełavija» zapuściła servis pa prodažy adzinych avijabiletaŭ na rejsy kampanii i avijakampanij-partnioraŭ
Na sajcie avijakampanii «Biełavija» aktyvavany servis pa prodažy adzinych biletaŭ na rejsy «Biełavija» i avijakampanij-partnioraŭ u miežach śpiecyjalnych prarejtavych pahadnieńniaŭ, paviedamili ŭ biełaruskaj avijakampanii.
Śpiecyjalnyja prarejtavyja pahadnieńni dajuć mahčymaść pasažyram padarožničać pa śviecie pa pryvabnych taryfach, raspracavanych avijakampanijami sumiesna.
«Biełavija» ŭkaraniła hetuju pasłuhu z metaj zadavalnieńnia pažadańniaŭ i pavyšeńnia vyhady dla svaich pasažyraŭ, jakija aktyŭna padarožničajuć i ličać za lepšaje nabyć avijabilet pa najbolš poŭnaj kolkaści maršrutaŭ z sajta avijakampanii. U śviatle apošnich tendencyj lik takich karystalnikaŭ pastajanna raście», — adznačyli ŭ kampanii.
Pieršym maršrutam, kudy «Biełavija» pakul nie vykonvaje ŭłasnyja rejsy, ale pa jakim byŭ adkryty prodaž na sajcie avijakampanii, staŭ Brusiel. Pasažyry mohuć nabyć avijabilety ŭ Brusiel, vybraŭšy maršrut ź pierasadkaj na rejs avijakampanii-partniora ŭ Varšavie, Ryzie, Vienie, Amsterdamie, Paryžy ci Prazie.
Śpiecyjalisty avijakampanii pravodziać testavańnie i zahruzku na sajt sotni haradoŭ i taryfaŭ, płanujecca pakryćcio praktyčna ŭsiaho śvietu. Tak, u miežach śpiecprarejtavaha pahadnieńnia pamiž «Biełavija» i Finnair dla prodažu na sajcie avijakampanii dadadziena 19 novych maršrutaŭ ź pierasadkaj u Chielsinki, siarod jakich šeść haradoŭ Finlandyi, harady Jeŭropy, a taksama azijackija napramki, u tym liku Piekin, Šanchaj, Banhkok, Hankonh, Sinhapur, Cieuł, Tokia, Osaka i inšyja.