Akupnaść Minskaha zaaparka składaje 70%
Za košt ułasnych srodkaŭ Minski zaapark pakryvaje da 70% raschodaŭ, paviedamiŭ dyrektar zaaparka Juryj Rabaŭ.
«Dziaržava nam daje datacyju kala 30%, u asnoŭnym na zimovy pieryjad — na try ci čatyry miesiacy zarabotnaj płaty pa asnoŭnym štatnym raskładzie i apłatu kamunałki (ciepłazabieśpiačeńnie, vodazabieśpiačeńnie i elektraenierhija), — raskazaŭ jon. — Taksama pa asobnym artykule idzie finansavańnie na zakupku karmoŭ i vietpreparataŭ — praz haradski kamitet pryrodnych resursaŭ».
Pavodle słoŭ Rabava, novych žyvioł, invientar i abstalavańnie zaapark nabyvaje za ŭłasnyja srodki, adnak budaŭnictva novych valjeraŭ i paviljonaŭ viadziecca za košt haradskoha biudžetu.
Aktualnaj prablemaj dla zaaparka ź`iaŭlajecca niedachop kadraŭ i nizkija zarpłaty, zaznačyŭ dyrektar ustanovy. «My dziaržaŭnaja ŭstanova i aryjentujemsia na staŭki, zaćvierdžanyja dla biudžetnych ustanoŭ, — zaznačyŭ jon. — Starajemsia, viadoma, u pieryjad vysokaj naviedvalnaści nazapašvać dadatkova zaroblenyja hrošy, płacim premii, nadbaŭki, ale ŭ cełym, u paraŭnańni ź inšymi arhanizacyjami, mała atrymlivajecca, tamu ludzi iduć da nas nieachvotna, a tyja, chto niejki čas pracuje, sychodziać, tamu što nie chapaje zarpłaty. Pracujuć entuzijasty».
Jak raskazaŭ Rabaŭ, da apłačvanyj pracy ŭ zaaparku pryciahvajucca taksama dzieci va ŭzroście ad 14 da 18 hadoŭ i biespracoŭnyja hramadzianie, jakija znachodziacca na ŭliku na biržy pracy.
