U Rastoŭskaj vobłaści niečakana vyzvalili kamandziraŭ ŭkrainskaj 72-j bryhady
Rasijskija pravaachoŭniki vyzvalili piacioch ukrainskich vajskoŭcaŭ, tolki ŭčora aryštavanych pa padazreńni ŭ złačynstvach suprać mirnaha nasielnictva.
Pra heta paviedamiŭ aficyjny pradstaŭnik SK RF Uładzimir Markin, pieradaje RIA «Novosti».
Piaciora vajskoŭcaŭ, u tym liku kamandzir bataljona, byli ŭ čaćvier zatrymanyja, a zatym aryštavanyja da 7 kastryčnika pa padazreńni ŭ abstrele KPP «Hukava».
«Uličvajučy, što ŭ ramkach rasśledavańnia kryminalnaj spravy vyśvietliłasia, što Vajtenka (kambat 72-j miechanizavanaj bryhady) i jaho padnačalenyja vykonvali zahady vyšejstajačaha kamandavańnia, nie rabili inšych pramych złačynstvaŭ suprać asoby, a taksama kirujučysia humannymi mierkavańniami, pryniata rašeńnie nie pradjaŭlać im abvinavačvańnia i dać mahčymaść viarnucca va Ukrainu», — skazaŭ Markin.
