Łukašenka: Jany nas presujuć ŭžo niekalki hadoŭ — zachodniki, amierykancy i jeŭrapiejcy
Łukašenka prapanoŭvaŭ Zachadu varyjant ŭrehulavańnia situacyi va Ukrainie. Pra heta jon zajaviŭ 8 žniŭnia na sustrečy ź liderami kamunistyčnych partyj Rasii i Ukrainy Hienadziem Ziuhanavym i Piatrom Simanienkam, paviedamlaje BiełTA.
«Na žal, mir va Ukrainie nikomu nie patrebny. Ja ŭ svoj čas prapanavaŭ varyjant, i ź im Zachad zhadziŭsia — tyja, chto sa mnoj razmaŭlaŭ, što heta narmalny varyjant, —
zajaviŭ Alaksandr Łukašenka. — Ale ja im skazaŭ: majcie na ŭvazie - heta budzie dla vas łakmusavaj papierkaj, i kali vy chočacie, kab va Ukrainie byŭ mir, vy z hetym płanam zhodziciesia. Tym bolš ad ich nie patrebna było nijakich zatrat. I tady ja lišni raz zrazumieŭ, i ab hetym havaryŭ svaim kaleham prezidentam, što nas prosta ŭciahvajuć u hetu bojniu, i čym bolš, tym lepš».
U svaju čarhu Hienadź Ziuhanaŭ padziakavaŭ Łukašenku za mahčymaść sustrečy. U hutarcy z Alaksandram Łukašenkam lider KPRF taksama raspavioŭ ab płanach naviedać u Minsku novy muziej historyi Vialikaj Ajčynnaj vajny. U hetaj suviazi Łukašenka adznačyŭ: «Apošnim časam nie prosta chočuć skazić historyju, a naŭmysna chočuć zabrać Pieramohu ŭ našaha naroda. Moładź pacichu ŭžo nie toje što zabyvać stała, ale niejak adychodzić ad hetaha», — skazaŭ Łukašenka.
«Jany nas presujuć užo niekalki hadoŭ - zachodniki, amierykancy i jeŭrapiejcy — i sankcyjami, i inšym.
Ja zaŭsiody havaru: za podźvih Biełarusi ŭ toj strašnaj vajnie vy pavinny na kaleniach stajać i dziakavać biełarusam», — dadaŭ Alaksandr Łukašenka.
