Brescki chulihan trapiŭ na staronki brytanskaha tabłoida
Historyja pra bresckaha studenta, jaki zakinuŭ u śmietnicu staroha biazdomnaha, dajšła navat da Złučanaha Karaleŭstva. Artykuł ab hetym vypadku źjaviŭsia ŭ bujnym brytanskim tabłoidzie The Daily Mirror.
Ale ž nie abyjšłosia i biez pamyłak. Pa słovach žurnalista brytanskaj haziety, štraf skłaŭ 1.600 funtaŭ (amal 28 miljenaŭ biełaruskich rubleŭ), jakija buduć vypłačanyja paciarpiełamu. Tady jak nasamreč, sud abaviazaŭ chłopca vypłacić 3 miljeny 750 tysiač rubleŭ. Pryčym štraf budzie vypłačany na karyść dziaržavy. A maralnuju škodu staromu, jakuju toj acaniŭ usiaho ŭ 100 tysiač rubloŭ, student kampiensavaŭ jašče raniej.
Nahadajem, što hetaja historyja zdaryłasia jašče ŭ kastryčniku 2013 hoda.
Tady ŭ bresckuju milicyju źviarnuŭsia mužčyna, jaki paviedamiŭ, što ŭbačyŭ u interniecie videarolik, dzie staroha zakidvajuć u śmietnicu.
Nieŭzabavie byli znojdzieny i złačynca — 21-hadovy student, i jahonaja achviara — 62-hadovy biazdomny. Pa słovach paciarpiełaha, jen šukaŭ u śmietnicy ježu dla svaich katoŭ, kali chłopiec padbieh da jaho i zapchaŭ u bak.
Sioleta ŭ lutym była raspačataja kryminalnaja sprava, ale chutka jaje spynili i vyrašyli pryciahnuć chłopca da administracyjnaj adkaznaści. Sud pryznaŭ maładoha čałavieka vinavatym u drobnym chulihanstvie, i abaviazaŭ jaho vypłacić 25 bazavych vieličyń u jakaści štrafa. Da taho ž, chłopca adličyli z univiersiteta.
