Homielskija historyki źniali film da 365-hodździa Łojeŭskaj bitvy
Homielskija historyki da 365-hodździa Łojeŭskaj bitvy 1649 stvaryli historyka-dakumientalny film, dzie ŭ detalach apisvajecca adna z samych słaŭnych jeŭrapiejskich batalij XVII stahodździa.
Łojeŭskaja bitva adbyłasia 31 lipienia 1649 h. pamiž vojskami polnoha hietmana Vialikaha Kniastva Litoŭskaha Januša Radziviła i vojskam nakaznoha kazackaha hietmana Michaiła Stanisłava Kryčeŭskaha. U filmie raspaviadajecca pra abstaviny hieapalityki taho času, pra asobu Januša Radziviła i hietmana Kryčeŭskaha, chadu bitvy.
«Ideja stvareńnia filma źjaviłasia jašče padčas vučoby na histaryčnym fakultecie Homielskaha dziaržaŭnaha ŭniviersiteta im. F.Skaryny, - kaža adna z aŭtarak filma Maryja Bułavinskaja. - Tady my, hrupa entuzijastaŭ, pazyčyli ŭ muziejach, teatrach, roznych kłubach vopratku taho času i pačali ŭłasnymi siłami asvojvać kampjutarnyja technałohii, dziakujučy jakim možna było rekanstrujavać niekatoryja siužety bitvy. Naohuł, hetaja tema stała cikavaj dla stvareńnia filma, bo daviedalisia, što ŭ Łojevie taksama jość entuzijasty, što nieabyjakavyja da svajho minułaha i kłapociacca ab tym, kab u budučyni na miescy bitvy źjaviŭsia miemaryjalny kompleks».
Film składajecca z dvuch častak pad nazvaj: «1649. U pošukach miesca bitvy» i «1649. Pa śladach Kryčeŭskaha».
U hadavinu bitvy pad Łojevam adbyłasia pieršaja prezientacyja filma, pierad jakoj aktyvisty homielskaha adździaleńnia TBM i nieabyjakavyja łojeŭuv naviedali miesca padziej i ŭskłali kvietki la pamiatnaha kryža.
Na zdymkach - kadry ź filma.
