Tusk: Pahroza ŭvachodu rasijskich vojskaŭ va Ukrainu vyrasła, i niajasna, jak na heta reahavać
Pahroza pramoj interviencyi rasijskaj armii va Ukraine vyrasła za apošnija niekalki dzion.
Pra heta zajaviŭ siońnia premjer-ministr Polščy Donald Tusk, paviedamlaje ahienctva Reuters.com.
«U nas jość padstavy padazravać — my atrymlivajem takuju infarmacyju na praciahu apošnich niekalkich hadzin, što ryzyka pramoj interviencyi [rasijskaj armii va Ukrainu] značna vyšej, čym heta było jašče niekalki dzion tamu», — skazaŭ Tusk na pres-kanfierencyi.
«Kali dojdzie da pramoj interviencyi rasijskich vojskaŭ va Ukrainu, heta, vidavočna, budzie jakasna novaja situacyja i, na moj pohlad, ni ŭ koha siońnia niama dobraha, adnaznačnaha adkazu, jak zachodniaja supolnaść pavinna reahavać na heta», — skazaŭ Tusk.
Jon taksama adznačyŭ, što sankcyi, uviedzienyja Jeŭrasajuzam u dačynieńni da Rasii doraha abyducca ekanomicy Jeŭropy, adnak pry hetym adznačyŭ, što adsutnaść reakcyi na dziejańni RF padčas kryzisu va Ukrainie budzie mieć samyja «katastrafičnyja» nastupstvy.
