Hurt Hurma źniaŭ «tannaje amierykanskaje porna» VIDEA
Tak muzyki nazyvajuć svoj klip na pieśniu «Chopić łamać kamiedyju».
Hurt na čale ź Mikitam Najdzionavym pradstaviŭ novy videaklip, jaki pa prahladzie vyklikaje nieadnaznačnyja emocyi.
Videa na novuju pieśniu hurta «Chopić łamać kamedyju» źniaŭ režyser i aperatar Ryhor Pasrednik, a ŭ hałoŭnaj roli źniałasia śpiavačka Valeryja Źvierava, finalistka teleprajektu «Akadiemija tałantov». Scenar stvaryli režyser razam ź lideram hurta Hurma.
«My vyrašyli inakš zirnuć na našuju pieśniu i začapilisia za frazu: «kali adčuješ zdradu». Padumali, što varta było b zrabić klip ź historyjaj pra toje, što byvaje, kali luboŭnaja zdrada raskryvajecca. Tamu hałoŭnaja hierainia Lera paŭstaje takoj furyjaj», – raspavioŭ Tuzin.fm Mikita Najdzionaŭ. Dzieja klipa adbyvajecca ŭ zakinutym budynku. Hieroj Mikity ŭziaty ŭ pałon, jaho dapytvaje-katuje dziaŭčyna fryvolnaha vyhladu, ale toj schitrajecca ŭ peŭny momant nabrać z ajfonu «911», kali vyklikać dapamohu…
«Finał klipa my vyrašyli zrabić z dolaj absurdu, – raspaviadaje Mikita. – Tym i tłumačycca niečakanaja «hrupa zachopu» i majo pieraŭtvareńnie pry kancy. Kali klip pieršy raz pahladzieli ŭ kampanii siabroŭ, adzin chłopiec skazaŭ, što heta vyhladaje jak tannaje amerykanskaje porna. My paśmiajalisia i vyrašyli dać takuju žanravuju charaktarystyku našamu videa».