U Rasii kančatkova zabaranili Marš za fiederalizacyju Sibiry
Ułady Novasibirska zabaranili «Marš za fiederalizacyi Sibiry», jaki jahonyja arhanizatary źbiralisia pravieści 17 žniŭnia. Adzin ź ich, Alaksiej Baranaŭ, 5 žniŭnia apublikavaŭ adkaz na padadzienaje ŭ meryju apaviaščeńnie, padpisany namieśnikam mera Hienadziem Zacharavym: «Dla zabieśpiačeńnia niepachisnaści kanstytucyjnaha ładu, terytaryjalnaj cełasnaści i suvierenitetu RF u praviadzieńni maršu admović».
Admova była pradkazalnaja: tryma dniami raniej nahladnyja orhany, fiederalnyja, pasprabavali źvieści na ništo abmierkavańnie hetaj temy ŭ internecie: Hienprakuratura i Raskamnahlad pabačyli ŭ joj padryŭ «asnoŭ kanstytucyjnaha ładu i parušeńnie cełasnaści Rasijskaj Fiederacyi». Pa patrabavańni prakuratury byli zabłakavanyja staronki, pryśviečanyja maršu, Ukantakcie i na Facebook, a nahladčyki za internet-vydańniami papiaredzili 14 sajtaŭ, jakija paviedamili pra jaho, pra adkaznaść za «ažyćciaŭleńnie ekstremisckaj dziejnaści», paśla čaho hetyja publikacyi byli vydalenyja.
Arhanizatary maršu rastłumačyli, što jany hetaj akcyjaj mieli namier «patrolić uładu», jakaja padtrymlivaje sieparatystaŭ na paŭdniovym uschodzie Ukrainy. Ale, akramia ironii nad prapahandysckaj rytorykaj, mierkavaŭsia i całkam surjozny prosty sens: nahadać uładzie i hramadzianam, što, zhodna z Kanstytucyjaj, Rasija — fiederatyŭnaja dziaržava, u jakoj rehijony majuć prava na palityčnuju samastojnaść, a taksama «ŭkazać na prablemy ŭ isnaj praktycy raźmierkavańnia biudžetnych srodkaŭ pamiž rehijonami».
U 2010 hodzie prahučaŭ zaklik padčas pierapisu nazyvacca «sibirakami»: zaklik padtrymali 4116 čałaviek. U 2011 aktyvisty źniali dakumientalny film «Nafta ŭ abmien na ništo» — pra toje, što Sibir u Rasii, pa sutnaści, źjaŭlajecca kałonijaj.
«Užyvajučy administracyjnyja miery da arhanizataraŭ maršu i internet-ŚMI, čynoŭniki znoŭ razdźmuli temu na ŭsiu Rasiju, vystaŭlajučy naš horad u durnym śviatle», — zajaviŭ u tvitary były namieśnik hubiernatara Novasibirskaj vobłaści Viktar Kazadoj.
