Biełaruś hatova ŭdzielničać u madernizacyi APK Tamboŭskaj vobłaści
Biełaruś hatova ŭdzielničać u madernizacyi APK Tamboŭskaj vobłaści, zajaviŭ Alaksandr Łukašenka 4 žniŭnia na sustrečy z kiraŭnikom administracyi rasijskaha rehijonu Aleham Biecinym.
Pra heta paviedamiła pres-słužba Alaksandra Łukašenki.
«My hatovyja udzielničać u madernizacyi vašych žyviołahadoŭčych kompleksaŭ i, kali treba, budaŭnictvie ahraharadkoŭ, hatovyja zabiaśpiečyć samaj pieradavoj sielskahaspadarčaj technikaj», — skazaŭ Łukašenka.
Pavodle jaho słoŭ, Biełaruś taksama hatova pastaŭlać u Tamboŭskuju vobłaść aŭtobusy i tralejbusy, hruzavuju, karjernuju, darožna-budaŭničuju, śpiecyjalnuju i kamunalnuju techniku, liftavaje abstalavańnie, pradastaŭlać budaŭničyja pasłuhi.
Łukašenka padkreśliŭ, što za minułyja piać hadoŭ uzajemny tavaraabarot Biełarusi i Tamboŭskaj vobłaści vyras bolš jak u dva razy. U hetym rasijskim rehijonie ŭžo arhanizavanyja dylerskija i siervisnyja centry «Homsielmaša», «Amkadora», MTZ i inšych najbujniejšych biełaruskich vytvorcaŭ, paśpiachova funkcyjanujuć firmovyja handlovyja damy šerahu viadomych handlovych marak.
Napiaredadni pieršaha pasiadžeńnia rabočaj hrupy pa supracoŭnictvie Biełarusi i Tamboŭskaj vobłaści Łukašenka prapanavaŭ «abmierkavać i pa mahčymaści vyrašyć prablemnyja pytańni, jakija pieraškadžajuć bolš aktyŭnamu raźvićciu dvuchbakovaha ŭzajemadziejańnia».
