U Hrodzienskaj vobłaści zatrymali jašče adnaho ekshibicyjanista
U Mastach — rajcentry Hrodzienskaj vobłaści — inśpiektar DAI zatrymaŭ ekshibicyjanista.
Da inśpiektara na vulicy źviarnułasia pierapałochanaja žančyna i skazała, što niekalki chvilin tamu razam z małaletniaj plamieńnicaj vymušana była hladzieć na pałavy orhan mužčyny, jaki prajazdžaŭ mima na rovary. Pryčym ekshibicyjanist admysłova spyniŭsia kala žančyny.
Inśpiektar DAI dahnaŭ chulihana i zatrymaŭ jaho.
U dačynieńni da nidzie niepracujučaha 25-hadovaha mužčyny raspačata kryminalnaja sprava za chulihanstva.
Paviedamleńni ab ekshibicyjanistach nie raz pastupali sioleta z Hrodzienskaj vobłaści. Milicyja źviartaje ŭvahu na toje, što padobnyja złačynstvy čaściej za ŭsio ździajśniajucca letam-vosieńniu. Na dumku psichołahaŭ, na hety pieryjad prypadaje abvastreńnie ŭ ludziej z padobnymi seksualnymi dzivactvami.