Zatrymany raspaŭsiudnik ściažkoŭ: «Zaraz tolki ściažki RB. A RF bolš nie pradaju»
15 lipienia na čyhunačnym pierajeździe «Charabrova» pry ŭjeździe ŭ Oršu byli zatrymanyja raspaŭsiudniki rasijskich ściažkoŭ.
Vyśvietliłasia, što raspaŭsiudžvali ściažki žychary Barysava — Maksim Andrejevič Cichanaŭ, 1989 naradžeńnia, i Pavieł Vasiljevič Žylcoŭ, 1977 hoda naradžeńnia, abodva hłuchaniamyja. Ich čakaje sud.
«Naša Niva» pahutaryła praz čat z adnym ź fihurantaŭ spravy, Maksimam Cichanavym. Niedapasavańni ŭ skłonach, adryvistaść adkazaŭ moža tłumačycca tym, što čałaviek hłuchaniamy. Padajom jahonyja adkazy dasłoŭna.
— Vy zajmalisia raspaŭsiudam ściahoŭ u jakaści biznesu ci prosta sychodziačy sa svaich pierakanańniaŭ?
— Prosta dla siabie.
— A čamu mienavita rasijskija?
— Ja ž nie tolki RF. A razam RF i RB. Heta ž nie fašysckaja schvatka.
— Ale ŭsio ž u nas u krainie ŭ adnosinach da Rasii ci vielmi «za», ci radykalna «suprać». Vy z hetym nie sutykalisia?
— Adzin čałaviek suprać u Oršy. Ludzi byli zadavolenyja brać ściažki. Sami pytajucca, dzie RF.
— A apošnija padziei «Ukraina-Rasija» niejak paŭpłyvali na popyt? Stali bolš brać ci mienš?
— Ja nie źbirajusia suprać Ukraina. Prosta ŭ nas sajuz RB i RF. Ja navat kapiejčynu atrymlivaju, čym na zavodzie.
— Ja nie heta mieŭ na ŭvazie. Jak ludzi ŭ apošni čas adreahavali na palityčnuju situacyju ŭ Rasii? Jany stali kuplać bolš ściažkoŭ? Ci naadvarot, rasčavalisia ŭ Rasii i kuplajuć mienš?
— Byvaje drenna, byvaje dobra.
— A jak vy ŭ cełym ličycie, ci patrebnaja sprava pradavać ściahi RF ŭ našaj krainie? Ci ŭ hetym moža być niešta niehatyŭnaje?
— Heta prosta ŭpryhožvańnie dla mašyn. Ale ŭ mianie budzie ŭ sud.
— Ale sud, jak ja razumieju, za prodaž bieź licenzii? Sami ściahi tut ni pry čym.
— Ale ŭ nas kanflikt. Adzin z pakupnikoŭ padaŭ zajavu z-za RF, a ja na jaho za toje, što jon pahražaŭ i psichavaŭ.
— A ściahi inšych krain nie karystajucca popytam? Vy nie dumali pra heta? Polščy? Litvy? Jeŭrasajuza?
— Im nie treba. U nas tolki sajuz RF i RB.
— A jak vy dumajecie, heta nie pahražaje našaj niezaležnaści? Takaja, nie zrazumiejcie niapravilna, prapahanda RF.
— Ja tak nie dumaju.
— A kolki kaštavali ŭ vas ściažki?
— 20 tysiač, a sabie 5 tysiač na charčavańnie. Optam doraha kaštuje. U Rasii tam robiać RB i RF
— U internecie była infarmacyja, što vam ich pryvozili biaspłatna.
— Niama nijakaj biaspłatna. Ja napisaŭ zajavu, što jeździŭ u RF, tam, dzie optam, i kupiŭ.
— A ŭ vas nie było pačućcia strachu pry prodažy? U Minsku chodziać historyi, što nie ŭsie vielmi pryjazna stavilisia da pradaŭcoŭ rasijskich ściahoŭ.
— Ja ni za što nie pradam adzin ściah RF. Tolki razam RB i RF. U mianie niama strachu.
— A naohuł meta vašaha biznesu heta finansavaja vyhada abo prosta ahitacyja za «Rasija i Biełaruś razam»?
— Prosta za Rasija i Biełaruś. Dla vyžyvańnie, a nie meta biznes. Ja nie tak užo dobra zarablaju. U papiery napisana, što dla taho kab vyžyć
— A jakija ŭ vas płany na budučyniu? Źbirajeciesia atrymlivać licenziju i praciahvać hetym zajmacca? Ci ŭžo ŭsio, paśla hetaj historyi?
— Da kanca leta i ŭsio. Tolki ściažki RB. A RF bolš nie pradaju. Ja vydalajusia «Ukantakcie», bo mnie pišuć čužyja ludzi. I niepryjemnyja słovy.
* * *
Ad redaktara
U tłumačeńniach Maksima za kadram zastajecca samaje važnaje. Ściažki — mienavita rasijskija i adrazu va ŭsioj krainie — pačali razdavać hłuchaniamyja. Za hetaj idejaj i technałohijaj razdačy, jak bačycca, staić niechta ŭ śpiecsłužbach Rasii. Toj, chto pieršym addaŭ ściažki ŭ ruki hłuchaniamych. Popytu na tyja ściažki raniej nie było nijakaha. Pakul nie pačali razdavać. Pryvučajučy, faktyčna, biełarusaŭ da najaŭnaści rasijskich ściažkoŭ paŭsiul.
