Ukrainskija vojski prarvali pazicyi bajevikoŭ na zachad i poŭdzień ad Łuhanska KARTA
13 i 14 lipienia ŭkrainskija braniatankavyja čaści nie tolki razbłakavali aeraport Łuhanska, ale i prarvali pazicyi bajevikoŭ na zachodnich i paŭdniovych podstupach da horada.
Pradstaŭniki samaabvieščanaj Łuhanskaj Narodnaj Respubliki pryznali, što ŭkrainskija tanki ŭvajšli ŭ siało Raskošnaje Łutuhinskaha rajona. Heta na poŭdzień ad horada, na paŭnočny zachad ad aeraporta (za miežami dadzienaj mapy, nižej ad darohi Raskošnaje — Chraščavataje)
Pres-centr Antyterarystyčnaj apieracyi zajaviŭ, što ŭkraincy vyzvalili taksama Alaksandraŭku (na zachad ad Łuhanska). Adnak ŁNR u svaim Tvitary śćviardžaje, što ŭkraincy paźniej adstupili z hetaha nasielenaha punkta, a taksama z Radakova i Jubilejnaha.
Adkrytaj zastajecca daroha na Krasnadon—Izvaryna, pa jakoj bajeviki mohuć adstupić u Rasiju. Ukrainskija čaści viaduć ciažkija bai vakoł hetych haradoŭ.