Pamierła dysidentka Valeryja Navadvorskaja
12 lipienia na 65-m hodzie žyćcia pamierła rasijskaja pravaabaronca i zasnavalnica partyi «Demakratyčny sajuz» Valeryja Navadvorskaja, paviedamlajuć rasijskija ŚMI.
Jana pamierła ŭ reanimacyi adździaleńnia hnojnaj chirurhii maskoŭskaj balnicy, kudy była špitalizavanaja ranicaj. Miedyki paviedamlajuć, što pryčynaj śmierci staŭ infiekcyjna-taksičny šok, pra heta ŭ pryvatnaści paviedamlaje rasijski Interfaks sa spasyłkaj na krynicy ŭ miedkołach, śmierć Navadvorskaj paćvierdziŭ radyjostancyi Echo Moskvy vice-mer Maskvy Leanid Piačatnikaŭ.
«Ja paćviardžaju, što Valeryja Navadvorskaja pamierła siońnia ŭ Maskvie», — skazaŭ jon.
Razam z tym RIA «Novosti» paviedamlała taksama sa spasyłkaj na miedycynskija koły, što Navadvorskaja znachodzicca ŭ ciažkim stanie ŭ maskoŭskaj Haradskoj kliničnaj balnicy №1. Praŭda paźniej RIA «Novosti» paviedamiła pra śmierć Navadvorskaj sa spasyłkaj na maskoŭskija ŭłady.
Valeryja Navadvorskaja naradziłasia ŭ 1950 h. u Baranavičach, u 9 hadovym uzroście pierajechała ź siamjoj u Maskvu.
Valeryja Navadvorskaja nie adzin raz padviarhałasia pieraśledam uładaŭ: źmiaščałasia ŭ psichijatryčnyja balnicy, vyklikałasia na dopyty, u jaje kvatery pravodzilisia pieratrusy. U 1978, 1985, 1986 hadach Navadvorskuju sudzili za dysidenckuju dziejnaść.