Biełarusam daviadziecca pačakać ź pierachodam PayPal na nacvalutu
Biełarusam daviadziecca pačakać ź pierachodam sistemy elektronnych płaciažoŭ PayPal na nacyjanalnuju valutu, paviedamili ŭ kampanii.
Pakul sistema PayPal nie pracuje ź biełaruskimi rublami i dastupnaja tolki dla fizičnych asob. U kampanii pakul nie hatovyja skazać, kali servis piarojdzie na pracu z nacyjanalnaj valutaj Biełarusi, a taksama kali skarystacca jaho pasłuhami zmohuć jurydyčnyja asoby. «My ździejśnili naš pieršy krok na biełaruskim rynku. I abjavim ab dastupnaści novych pasłuh, jak tolki budziem da hetaha hatovyja», — adznačyli ŭ kampanii.
Kamientujučy, čamu biełaruskim karystalnikam PayPal pakul davodzicca pracavać u anhłamoŭnym interfejsie, u kampanii rastłumačyli, što ŭ ciapierašni čas žychary krain postsavieckaj prastory, u jakich adkryta tolki mahčymaść adpraŭki płaciažoŭ, padłučanyja da anhłamoŭnaha interfiejsu.
«My chočam, kab naš servis byŭ maksimalna prostym i zručnym, i razumiejem, što dla mnohich žycharoŭ Biełarusi bolš kamfortna było b pracavać u ruskamoŭnym interfiejsie. Ab lubych važnych źmienach u našych pasłuhach, u tym liku ab pierachodzie na ruskamoŭnuju viersiju sajta, my budziem paviedamlać pa miery hatoŭnaści», — dadali surazmoŭcy.
Žychary Biełarusi atrymali mahčymaść adkryvać rachunki ŭ PayPal i ździajśniać płaciažy na miljonach sajtaŭ pa ŭsim śviecie ŭ červieni 2014 hoda.
Na dadzieny momant apłatnaja sistema PayPal dastupnaja ŭ 203 krainach. Jaje karystalnikami źjaŭlajucca bolš za 148 młn čałaviek, štodnia ŭ joj apracoŭvajucca bolš za 9 młn płaciažoŭ. PayPal pracuje z 26 nacyjanalnymi valutami.