Novyja abviestki ŭ minskim mietro — pa-rasiejsku

U minskim mietro hučać novyja abviestki pra praviły karystańnia mietrapalitenam: ciapier ich abviaščajuć nie na stancyjach, a ŭ vahonach padčas prypynku. Adnak abviaščajuć ich vyklučna pa-rasiejsku.

Pry hetym abjavy pra nastupnyja stancyi hučać pa-biełarusku, što stvaraje dadatkovuju moŭnuju eklektyku.

«Tak, my nasamreč ciapier abviaščajem praviły karystańnia ŭ vahonach, — kaža načalnik słužby ruchomaha sastava Siarhiej Ściapanaŭ. — My pašyrajem hetuju infarmacyju. Na žal, nie ŭsio ŭ mietro zaraz pa-biełarusku. Prypynki abjaŭlajuć pa-biełarusku, ale bolšaść rekłamy — pa-rasiejsku. Abviestki na stancyjach my dublujem».

«Naša Niva»: Adnak abviestki ŭ vahonach, jany zapisanyja tolki pa-rasiejsku?

Siarhiej Ściapanaŭ:

Tak, bo mietro ž karystajucca nie tolki žychary Minska, ale i hości stalicy. Było vyrašana praviły karystańnia zapisać pa-rasiejsku, ale ci nastolki heta važna? My ž nie možam usio zapisać.

«Naša Niva»: Adnak heta hučyć vielmi eklektyčna: spačatku abjaŭlajuć prypynak pa-biełarusku, paśla praviły — pa-rasiejsku.

Siarhiej Ściapanaŭ: Tak, zhodny. Heta nie vielmi pravilna. Adnak abjavu nastupnaha prypynku kožny zrazumieje, ale nie fakt, što zrazumiejuć praviły.

Nahadajem, u kancy 2011 hoda ŭ mietro rusifikavali abjavu, jakaja zaklikała pasažyraŭ da vietlivaści. Adnak tady, paśla zvarotu hramadzian rolik pierakłali na biełaruskuju movu.

* * *

Prapanavać pieraahučyć praviły karystańnia mietrapalitenam možna, dasłaŭšy list pa adrasie 220030, h. Minsk, pr. Niezaležnaści, 6, dyrektaru KUP «Minski mietrapaliten» Raścisłavu Stanisłavaviču Jureniu.

Aproč taho, prośbu varta pradublavać na [email protected]. Jaje možna vykazać i ŭ vusnaj formie, patelefanavaŭšy pa telefonach 8(017) 219-50-09, 8 (017) 200-51-22.

Juraś Uskoŭ

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH