Усэйн Болт прайграў апошні забег у кар'еры

Легендарны ямайскі бягун Усэйн Болт фінішаваў трэцім падчас забегу на 100 метраў на чэмпіянаце свету па лёгкай атлетыцы, які праходзіць у Лондане.

Першае месца заняў амерыканец Джасцін Гэтлін з вынікам 9,92 секунды, а другім - яго суайчыннік Крысціян Коулмэн (9,94).

Усэйн Болт, якому праз два тыдні споўніцца 31 год, прабег дыстанцыю за 9,95 секунды. Ён патлумачыў сваю няўдачу тым, што замарудзіўся на старце і падзякаваў заўзятарам за падтрымку.

Гэты турнір стаў апошнім для 8-разовага чэмпіёна свету, які абвесціў пра завяршэнне кар'еры.

0

0

0

0

0

0