Прадстаўлены праект касмічнага гатэля для турыстаў
Нядаўна NASA праводзіла конкурс па распрацоўцы прыдатных для жыцця аб'ектаў на калязямной арбіце, перамогу ў якім атрымала каманда Масачусецкага тэхналагічнага інстытута, якая прадставіла праект касмічнага гатэля.
Праект назвалі Managed, Reconfigurable, In-space Nodal Assembly (Marina). Па задумцы стваральнікаў праекта, касмічны гатэль будзе складацца з васьмі надзіманых модуляў, размешчаных па крузе падобна пялёсткам.
Мяркуецца, што гатэль у будучыні заменіць Міжнародную касмічную станцыю і дазволіць NASA скараціць выдаткі за кошт прытоку касмічных турыстаў. Акрамя таго, колькасць модуляў з часам можна будзе павялічыць і здаваць іх у арэнду іншым кампаніям.
Распрацоўшчыкі канцэпта кажуць, што ў гатэлі будзе бар, рэстаран, зала для заняткі фітнэсам, нумары з першакласным абслугоўваннем і іншае. Але галоўнае — гэта чароўныя віды, якія будуць адкрывацца наведвальнікам з велізарных ілюмінатараў.