Суздальцаў: Лукашэнка свабодны нават ад рэштак братэрскіх пачуцьцяў да Расеі
Палітоляг Андрэй Суздальцаў у сваім блогу аналізуе візыт Лукашэнкі ў Азэрбайджан
Візыт прайшоў на антырасейскай ноце, што, на думку палітоляга, цалкам абясцэньвае саюзьніцкую рыторыку Лукашэнкі апошніх месяцаў. Зрэшты, заўваждае Суздальцаў, беларускі прэзыдэнт і яго атачэньне даўно пазбаўленыя «рэліктавых рэштак брацкіх пачуцьцяў да Расеі». Афіцыйны Менск даўно бачыць ва ўсходняй суседцы толькі энэргарэсурсы ды палітычныя пагрозы існаваньню рэжыма. А. Суздальцаў падкрэсьлівае татальную залежнасьць Лукашэнкі ад Расеі: толькі яна можа забясьпечыць поўную падтрымку яго ўлады, у сваю чаргу толькі ён можа гэтую падтрымку ў Расеі здабыць. Палітоляг піша пра страчаныя магчымасьці беларускага ўраду наладзіць узаемавыгадны транзыт энэргарэсурсаў праз Беларусь. Выйсьцем для беларускага кіраўніка ёсьць кардынальная чыстка кадраў — тых, што спрычыніліся да нафта‑газавага канфлікту. І распачаць дыялёг ізноў.
А. Суздальцаў крытыкуе спробы наладзіць нафтаздабычу ў Азэрбайджане, ці ў Вэнэсуэле, як і прыцягненьне якіх заўгодна будаўнікоў АЭС, акрамя расейскіх. На яго думку, у такім выпадку ў гульню ўступае Амэрыка, зь якой не атрымаецца дамовіцца так, як гэта можна зрабіць з Расеяй. Калі энэргетычны адрыў адрыў ад Расеі ўсё ж адбудзецца, то гэта заўважна зьменіць зьнешнепалітычную сытуацыю ва Ўсходняй Эўропе. Што, аднак, зьменіць і асабісты палітычны лёс беларускага прэзыдэнта, мяркуе маскоўскі палітоляг.
