У Мальмё прайшоў першы паўфінал Еўрабачання
У Швецыі ў аўторак адбыўся першы паўфінал міжнароднага песеннага конкурсу «Еўрабачання». Сярод фіналістаў аказалася Украіна.
Украінскі нумар. Фота: Martin Meissner / AP
У паўфінале прынялі ўдзел 18 з 37 канкурсантаў (у парадку выхаду на сцэну): Кіпр, Сербія, Літва, Ірландыя, Брытанія, Украіна, Польшча, Харватыя, Ісландыя, Германія, Славенія, Фінляндыя, Малдова, Швецыя, Азербайджан, Аўстралія, Партугалія і Люксембург.
У паўфінал выйшлі Украіна (Alyona Alyona i Jerry Heil), Сербія, Партугалія, Славенія, Кіпр, Фінляндыя, Харватыя, Ірландыя, Люксембург і Літва.
Прадстаўнікам Вялікабрытаніі, Швецыі і Германіі выхад у фінал гарантаваны правіламі конкурсу, незалежна ад поспеху паўфінальнага выступлення.
Другі паўфінал пройдзе 9 мая, гранд-фінал — 11 мая.
У другім паўфінале ў чацвер выступяць Эстонія, Латвія, Грузія, Арменія, Чэхія, Албанія, Аўстрыя, Бельгія, Данія, Грэцыя, Ізраіль, Мальта, Нідэрланды, Нарвегія, Сан-Марына і Швейцарыя.
Беларусы і расіяне ўжо чацвёрты год выключаныя з удзелу.
Фаварытамі ў букмекераў сёлета лічацца харвацкая група Baby Lasagna і ўкраінскі дуэт Alyona Alyona i Jerry Heil.
Чытайце таксама:
Топ-7 яскравых выступаў, якія будуць на сёлетнім Еўрабачанні
