«Радыё Ўнэт» спыніла вяшчанне праграм на беларускай мове
«Радыё Ўнэт» заявіла пра часовае спыненне вяшчання праграм на беларускай мове. Прычына — у адсутнасці фінансаў.
«На жаль, дагэтуль мы не маем інфармацыі ад Міністэрства замежных спраў Рэспублікі Польшча аб працягу падтрымкі беларускай рэдакцыі. Такім чынам, мы былі вымушаны часова прыпыніць нашую працу. Дзякуй нашым слухачам і гасцям праграм. Верым у лепшае. І яшчэ пачуемся!» — гаворыцца ў заяве.
«Радыё Ўнэт» пачало працу 11 лістапада 2020 года і сфармавалася з журналістаў, якія з-за рэпрэсій былі вымушаныя з’ехаць з Беларусі.
Беларуская рэдакцыя «Радыё Ўнэт» з’яўляецца часткай польскага Radio Wnet і выходзіць у эфір кожны будні дзень раніцай і ўвечары.
Эфір «Радыё Ўнэт» ствараецца беларускай рэдакцыяй у супрацоўніцтве з польскімі студыямі Radio Wnet у Варшаве, Кіеве, Вільні і Львове, а карэспандэнты Радыё Ўнэт працуюць у Польшчы, Украіне, Літве і Швейцарыі.
Чытайце таксама:
«Няпраўда, што грошы на «Белсат» скарацілі ўдвая» — МЗС Польшчы
PiS to Polska, пры ўсіх грахах PiS, многія беларусы хіба падумалі, што вульгарныя крычалкі супраць PiS з інста ці варшаўскіх вуліц - гэта модна ды атрымалі тое, за што так змагаліся ў інтэрнэтах. Бо зусім не ведалі пра ранейшыя афёры PO, якая таму праіграла ў 2015.
Але больш цікава, што многія беларусы цяпер радуюцца, што знішчаюцца беларускія праекты ў духу "на зло PiS". А тыя, якія так тапілі супрць ужо нешта не хочуць акцэнтаваць якая цяпер улада. І нешта не збіраюцца адмаўляцца ад віз і дазволаў на жыхарства ў Польшчы, якія пры "страшным" PiS атрымалі 😁