У Гродне мужчына даваў падлеткам пастраляць з пнеўматычнай вінтоўкі. Экспертыза паказала, што зброя была баявой
У верасні гэтага года ў адным з гродзенскіх двароў на вуліцы Шчорса падпіты мужчына вынес на вуліцу пнеўматычную вінтоўку. Зброю ён уручыў падлеткам, якія практыкаваліся ў стральбе па слоіках. Відавочцы выклікалі міліцыю. Але калі прыйшла экспертыза зброі, стала зусім не да жартаў.
Аказалася, што мужчына ўчыніў у двары шматпавярхоўкі стральбу з баявой зброі.
У канструкцыю звычайнай пнеўматыкі ім былі ўнесены змены, піша выданне NewGrodno. У тым ліку ён замяніў пускавую спружыну на баявую. Яе магутнасць павялічылася з 3 Дж да 11,6 Дж, што ўжо не дазваляе зброі звацца пнеўматычнай. З такой магутнасцю яе выкарыстанне дазволена толькі ў спецыяльных цірах.
Суд Кастрычніцкага раёна горада Гродна прыгаварыў мужчыну да 1 года абмежавання волі без накіравання ў папраўчую ўстанову адкрытага тыпу. Вінтоўку канфіскавалі. Прысуд пакуль не набыў законнай сілы.
Чытайце таксама:
У Гродне п'яны мужчына зладзіў майстар-клас па стральбе проста на дзіцячай пляцоўцы
У Мазыры жанчына страляла спачатку па бутэльках, а пасля па падлетках
У Быхаве 14-гадовы школьнік жартам стрэліў у таварыша з пнеўматыкі
