У Чыкага сарваўся шматтысячны фестываль прыхільнікаў Pokemon Go
Тысячы прыхільнікаў Pokemon Go атрымаюць кампенсацыю з-за збояў на фестывалі ў Чыкага, з-за якіх яны не мелі доступу да дадатку і не змаглі гуляць. А фанаты выклалі грошы за білеты, разлічваючы злавіць самых рэдкіх істот у гэтай гульні, якая ахапіла ўвесь свет.
Тэхнічныя збоі адбыліся з-за спалучэння двух фактараў — перагружаных мабільных сетак і некалькі памылак, якія, як прызналі арганізатары, былі з «іх боку».
У выніку мерапрыемства, якое рэкламавалася як шанец ўпершыню сабрацца разам і злавіць некаторых рэдкіх істот з Pokemon Go, было сарвана, а фанатам пакемонаў заставалася толькі свістаць і крычаць: «Выпраўце нашу гульню!»
Прадстаўнікі кампаніі Niantic, якая стварыла папулярную ва ўсім свеце гульню, спрабавалі растлумачыць сітуацыю і супакоіць гасцей, але беспаспяхова. Хтосьці з наведвальнікаў фестывалю нават кінуў бутэльку ў вядучага на сцэне, але не трапіў.
Акрамя вяртання 20 даляраў, выдаткаваных на квіткі на фестываль, расчараваным прыхільнікам у якасці кампенсацыі прапанавана па 100 даляраў у выглядзе гульнявой валюты (pokecoins), якую можна выкарыстоўваць у дадатку.
Квіткі на мерапрыемства былі распрададзеныя на працягу дзесяці хвілін пасля пачатку продажу, а ў спекулянтаў кошт квіткоў даходзіла да 400 даляраў. Арганізатары планавалі сабраць на фестывалі 20 тысяч удзельнікаў
Акрамя тэхнічных праблем настрою фанатам Pokemon Go ў суботу сапсавалі чэргі, у якіх некаторым прыйшлося прастаяць больш за тры гадзіны.
Праўда, лавіць пакемонаў можна было і за межамі парку, дзе праходзіў фэст. Бо арганізатары, спрабуючы вырашыць тэхнічныя праблемы, павялічылі радыус тэрыторыі, на якой можна было сустрэць рэдкіх істот.
