«Лёня частуе, але не п'е». Што кажуць суседзі старшыні Аршанскага райвыканкама пра скандал?
Лукашэнка абурыўся: сілавікі ўварваліся ў дом да новага мэра Оршы
Сілавікі ўварваліся да старшыні Аршанскага райвыканкама, каб праверыць, ці дома ён
Цяперашні старшыня Аршанскага райвыканкама нарадзіўся ў вёсцы Баўсевічы Круглянскага раёна Магілёўскай вобласці. Там дагэтуль жывуць яго самыя блізкія людзі.
«У нашай вёсцы засталася яго маці, сястра, — распавялі пра сям'ю Пянькоўская жыхары Баўсевічаў. — Маці ўжо ва ўзросце, таму яе адну не пакідаюць, увесь час за ёй дочкі прыглядаюць. Улетку яны тут жывуць, а на зіму забіраюць яе да сябе. Гады два таму адзначалі тут усе разам яе 80-годдзе. А бацька Леаніда памёр даўно…
Старэйшы брат Віктар Пянькоўскі пастаянна прыязджае сюды — ён маці таксама не пакідае. Ён працуе лекарам у Магілёве цяпер.
Лёня апошні раз прыязджаў сюды на Радаўніцу. На вялікія святы ён заўсёды тут.
Ці змяніўся ён, стаўшы чыноўнікам? Не, не памяняўся. У крымінальных гісторыях ніхто з Пянькоўскіх заўважаны не быў. У іх добрая, правільная сям'я. Старэйшы сын Віктар скончыў Медыцынскі інстытут. А Лёня пасля заканчэння ветэрынарнага інстытута (па першай спецыяльнасці ён заатэхнік), на мясакамбінаце ў Оршы працаваў. Там і сястра яго працавала. У іх яшчэ адзін ёсць брат, Уладзімір, ён працаваў у свой час у Круглянскім раёне галоўным аграномам. Ён розныя пасады займаў, звязаныя з сельскай гаспадаркай. Адным словам, усе ў іх башкавітыя.
Леаніда, наколькі я ведаю, простыя людзі хваляць. Ён дыстанцыю трымае, блізка да сябе не падпускае. Але ў зносінах нікому не адмаўляе. З яго братам мы можам іншы раз і па чарцы выпіць, калі ён сюды прыязджае, за жыццё пагаварыць, любыя тэмы абмеркаваць. Ну а з Лёнем зусім іншыя размовы. Ён наліць — налье, пачастуе шчодра, а сам ніколі не п'е. За рэдкім выпадкам можа чарку падняць. І так заўсёды было…»
