Беларус купляў у пецярбургскага махляра BMW X5, але застаўся і без грошай, і без машыны
Жыхар Беларусі, які прыехаў у Пецярбург дзеля белага BMW X5, стаў ахвярай махляра. «Прадавец» узяў грошы і з'ехаў на аўто, якое мусіў прадаць.
Як паведамляе пецярбургскі партал «Фантанка», вечарам 4 красавіка ў аддзеле паліцыі Фрунзенскага раёна Санкт-Пецярбурга звярнуўся 36-гадовы жыхар Беларусі, які папрасіў знайсці чалавек, які абяцаў, але так і не прадаў яму машыну. Па словах беларуса, ён збіраўся купіць белы BMW X5, які знайшоў па прыватнай аб'яве ў інтэрнэце. Менавіта дзеля здзелкі ён прыляцеў у Пецярбург.
Сустрэча з прадаўцом, які назваўся Ігарам, адбылася каля дома №17 па вуліцы Басейнай. Атрымаўшы 280 тысяч расійскіх рублёў (5 тыс. даляраў) і 7,5 тысячы даляраў, «Ігар» адвёз пакупніка на вуліцу Салава, 57 для афармлення страхоўкі. Ужо зайшоўшы ў будынак, мужчына ўбачыў, як «Ігар» з'язджае на белым БМВ.
