Беларусы далучаюцца да новага флэш-мобу #мяненеўзялі і дзеляцца ўласнымі фіяска
Флэш-моб стаў працягам папярэдняга абмеркавання пра #маепершыягрошы і стартаваў у рускамоўным сегменце Facebook сёння ранкам. Першапачаткова задумвалася сабраць спіс гісторый ад паспяховых людзей пра тое, як ім адмаўлялі працадаўцы ці ўвогуле не запрашалі на сумоўе, і такім чынам падтрымаць тых, каму сёння таксама не шанцуе, падбадзёрыць, маўляў, усё наперадзе.
Шмат для каго флэш-моб стаў нагодай узгадаць мінулае і пасмяяцца з гэтага ці, наадварот, крыху пасумаваць. Для некаторых карыстальнікаў сацсетак гэта яшчэ стала выдатным генератарам жартаў: нехта ўзгадваў, як яго не ўзяў АМАП, кагосьці не паклікалі замуж і інш.
Беларусы таксама паціху далучаюцца да флэш-мобу. Вось толькі некаторыя выказванні.
Альтэрнатыўны пункт гледжання на флэш-моб у стваральніцы праекта Abajour.by Марыі Сталяровай: яна параіла ўсім беларусам забіць на яго і замест хныкання пайсці шукаць працу, калі да гэтага часу не атрымалася.
