Памерла адна з пацярпелых пры выбуху на Скідзельскім цукровым камбінаце
42-гадовая жанчына памерла ў ноч з пятніцы на суботу. Пацярпелая праходзіла лячэнне ў Гродзенскай БХМД.
— Стан другой пацярпелай застаецца цяжкім, — распавялі ў Гродзенскай БХМД.
Загінулай жанчыне было 42 гады, у яе засталіся двое дзяцей.
Ноччу 25 лютага на цукровым камбінаце ў Скідзелі адбыўся выбух пылапаветранай сумесі. Пяць работніц камбіната (узростам 42-54 гады) атрымалі апёкі (ад 50% цела і вышэй), баратраўмы і былі шпіталізаваны. Пазней трох з іх перавезлі ў Рэспубліканскі апёкавы цэнтр у Мінску. Па дадзеным факце Следчы камітэт пачаў крымінальную справу па арт. 428 Крымінальнага кодэкса (Службовая халатнасць). Санкцыя артыкула — да 5 гадоў пазбаўлення волі.
На мінулым тыдні дактары распавядалі, што стан дзвюх пацыентак, якія праходзілі лячэнне ў Гродне, цяжкі. Жанчыны былі ўведзены ў стан медыкаментознай комы.
