Мінэнерга Украіны прапануе ўраду ўвесці надзвычайнае становішча
Кампанія «Укрэнерга» і Міністэрства паліва і энергетыкі прапануюць ураду ўвесці надзвычайнае становішча на рынку электраэнергіі з-за блакавання паставак антрацыту з некантраляваных тэрыторый Данбаса.
Пра гэта падчас пасяджэння антыкрызіснага энергетычнага штаба заявілі в. а. дырэктара «Укрэнерга» Усевалад Кавальчук і кіраўнік Мінпалэнерга Ігар Насалік.
«Улічваючы дэфіцыт антрацытавай групы, звязаны з непастаўкай іх з альтэрнатыўных крыніц … Міністэрства ініцыюе ўвядзенне надзвычайнага становішча ў энергетычнай сферы», - сказаў Насалік.
Кавальчук, у сваю чаргу, адзначыў, што пры ўвядзеннi надзвычайнага становішча ў энергетыцы антрацытавага вугалю Украіне хопіць на 40 сутак.
«Укрэнерга» прапаноўвае паменшыць спажыванне антрацытавай групы да прыкладна 20 000 тон у суткі.
Насалік адзначыў таксама, што для пераходу на імпартныя пастаўкі антрацыту спатрэбіцца каля 50 дзён.
