SpaceX апублікавала відэа з выпрабавальнага тунэля Hyperloop
Кампанія Ілана Маска SpaceX паказала на відэа, як выглядае выпрабавальны ўчастак тунэля для вакуумных звышхуткасных цягнікоў Hyperloop. Ён знаходзіцца ў Каліфорніі каля штаб-кватэры SpaceX, і яго даўжыня складае 1,6 км. З 27 па 29 студзеня 27 каманд удзельнічалі ў конкурсе Hyperloop Pod Competition, на якім яны выпрабоўвалі свае прататыпы вакуумных цягнікоў.
Камера, якая здымала выпрабавальны тунэль, знаходзілася на спецыяльным вазку, які выкарыстоўваўся для выпрабавання прататыпаў. Уласнае відэа тунэля зняла і каманда Масачусецкага тэхналагічнага інстытута.
Сярод пераможцаў аказалася 6 каманд.
Самую вялікую колькасць балаў набрала каманда Дэлфцкага тэхнічнага ўніверсітэта (Нідэрланды). Гэтая ж каманда перамагла ў намінацыі «Дызайн і канструкцыя».
У катэгорыях «Хуткасць» і «Прадукцыйнасць» перамог Мюнхенскі тэхнічны ўніверсітэт (Германія).
Самым бяспечным і надзейным цягніком быў праект Масачусецкага тэхналагічнага інстытута (ЗША).
У катэгорыі «Прадукцыйнасць у аперацыях» перамог цягнік каманды Універсітэта штата Мэрылэнд. А самымі інавацыйнымі праектамі журы прызнала цягнікі кампаніі «Reddit» і Універсітэта Вісконсіна.
Праект Hyperloop быў прэзентаваны Іланам Маскам у 2012 годзе. Плануецца, што хуткасныя цягнікі Hyperloop будуць перамяшчацца ў спецыяльных трубах з паніжаным ціскам з хуткасцю да 1200 кіламетраў у гадзіну. Тунэлі плануецца пракладваць як пад зямлёй, так і размяшчаць на паверхні на спецыяльных эстакадах.
