Расійскага палітвязня пасадзілі ў адзіночную камеру на паўгода

Ільдар Дадзін, які адбывае пакаранне ў сегежскай калоніі нумар 7, змешчаны ў адзіночную камеру тэрмінам на паўгода. Пра гэта паведаміла ў твітары жонка Дадзіна Анастасія Зотава.

24 лістапада прадстаўнікі ўпраўлення ФСВП па Карэліі паведамілі, што Дадзін адпраўлены ў адзіночную камеру пасля бойкі з іншым асуджаным. Які тэрмін Дадзін правядзе ў ПКТ (памяшканне камернага тыпу), прадстаўнікі ФСВП тады не ўдакладнілі.

Ільдар Дадзін у снежні 2015 года стаў першым асуджаным у Расіі за неаднаразовае парушэнне правілаў пікетавання. У пачатку лістапада быў апублікаваны ліст Дадзіна, у якім ён распавёў аб сістэматычным збіцці і катаванні ў сегежскай калоніі нумар 7.

nn.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0