Пад Гроднам гараць тры гектары скарыстаных шынаў
Буйны пажар гасяць 50 чалавек і 18 адзінак тэхнікі.
У Гродзенскім раёне працягваецца барацьба з пажарам, які бушуе на пляцоўцы для захоўвання шын. Як распавялі ў Гродзенскім абласным упраўленні МНС, інфармацыя аб узгаранні з'явілася прыкладна ў 4 гадзіны раніцы. У вёсцы Пушкары Гродзенскага раёна пачала гарэць гума, якая знаходзілася на адкрытай пляцоўцы памерам у 3 га. Пажар пашкодзіў гумовыя адкіды на плошчы 1,5 тыс. кв.м. Як падкрэслілі выратавальнікі, у выніку пажару ніхто не пацярпеў. Прычына ўзгарання пакуль невядомая. Прыкладна ў сем раніцы пажар удалося лакалізаваць, у дадзены момант працягваецца яго ліквідацыя. Гэтым занятыя некалькі дзесяткаў адзінак тэхнікі. Верагоднасць распаўсюджвання агню на тэрыторыю бліжэйшых населеных пунктаў адсутнічае.
