Парашэнка: Закрыццё расійскіх рынкаў каштавала Украіне 15 млрд даляраў
Украіна згубіла не менш чым 15 млрд даляраў з-за закрыцця расійскіх рынкаў. Пра гэта ў ходзе свайго штогадовага паслання да Рады заявіў прэзідэнт Украіны Пятро Парашэнка.
Twitter Пятра Парашэнкі
Паводле яго слоў, доля РФ ва ўкраінскім экспарце складае толькі 9% з наступнай тэндэнцыяй да зніжэння.
«Вам неабходна працаваць над стварэннем рынку зямлі ва Украіне, але з усімі магчымымі засцерагальнікамі ад любых негатыўных наступстваў. Не менш інтэнсіўна, чым інвестыцыі ў Украіну, мы павінны шукаць і рынкі збыту для ўкраінскіх тавараў. Акрамя вайсковага ўмяшання Расія ажыццяўляе, безумоўна, і эканамічную агрэсію супраць нашай краіны. у пачатку дзесяцігоддзя амаль траціна ўкраінскага экспарту ішла на расійскі рынак. Атака Крамля пачалася яшчэ да Майдану. Былі абмежаванні, якія прывялі да падзення ўкраінскага экспарту ў 2013 годзе ў РФ на 15%. у 2015 годзе экспарт у РФ скараціўся ў палову. Гэта яшчэ не дно, зніжэнне працягваецца і цяпер, мінус 34% за першае паўгоддзе», — сказаў ён.
