На Корсіцы бацькі не дазволілі мусульманкам у хіджабах увайсці ў дзіцячы сад
На Корсіцы пяцярым мусульманкам у хіджабе не далі ўвайсці ў будынак дзіцячага сада з-за іх адзення, паведамляюць мясцовыя СМІ.
AFP
Па дадзеных мясцовых газет, дарогу ў дзіцячы сад у горадзе Баніфача мусульманкам, дзеці якіх наведваюць дашкольную ўстанову, заступілі іншыя бацькі. Крыху пазней, каб прадухіліць развіццё канфлікту, умяшалася мясцовая паліцыя.
Па словах бацькоў, якія не пусцілі жанчын у хіджабах у дзіцячы сад, яны абураныя тым, што іх дзецям не дазваляюць насіць нацельныя крыжыкі, у той час як у дзіцячы сад бесперашкодна прыходзяць жанчыны ў хіджабе.
Паводле законаў Францыі, дзецям і выкладчыкам у школах забаронена насіць рэлігійныя сімвалы і аддзенне, якія дэманструе іх рэлігійную прыналежнасць. Аднак гэтая забарона не распаўсюджваецца на бацькоў, што прыходзяць у школу.
На поўдні Францыі пасля нападу ў Ніцы, ахвярамі якога сталі 86 чалавек, назіраецца рост напружанасці ў адносінах мясцовых жыхароў і прадстаўнікоў мусульманскіх абшчын.