Сёння абвесцяць рашэнне паводле пазову Антона Матолькі да БТ
Рашэнне паводле пазову блогера і фатографа Антона Матолькі да Белдзяржтэлерадыёкампаніі суд вынесе ў панядзелак.
Нагадаем, што 2 верасня адбылося чарговае судовае паседжанне па гэтай справе. Матолька сцвярджае, што БТ выкарыстала яго здымкі з сеціва без дазволу і патрабуе грашовай кампенсацыі ў 1 капейку. Кампенсацыю ён гатовы атрымаць на картку.
Прадстаўнікі БТ заяўляюць, што забароны на выкарыстанне здымкаў не было, да таго ж, паўночнае ззянне, якое засняў фатограф, — гэта «з’ява сацыяльнага характару», а самі здымкі не з’яўляюцца мастацкім творам.
Антон Матолька абураны, што пасля выкарыстання гэтых здымкаў яго называюць фатаграфам, які аддае фота на БТ і з-за гэтага ён атрымаў моцны стрэс.
Фотаздымкі паўночнага ззяння Матолькі зрабіў сёлета ў сакавіку. Пазней з яго дазволу іх размясціў партал TUT.by, а затым — іншыя СМІ, у тым ліку БТ, якое не прасіла ў аўтара дазволу.