У ДАІ Мінска прызначылі новага начальніка
На месца Дзмітрыя Карзюка, які займаў пасаду начальніка ДАІ Мінска апошнія 8 гадоў, а затым пайшоў на павышэнне, прызначаны палкоўнік Вадзім Гаркун.
Вадзім Мікалаевіч Гаркун прызначаны начальнікам сталічнай Дзяржаўтаінспекцыі загадам міністра ўнутраных спраў 25 жніўня. Сёння ён прадстаўлены асабоваму складу ДАІ Мінска.
***
Палкоўнік Вадзім Гаркун нарадзіўся ў 1974 годзе ў Мінску. У 1996 г. скончыў аўтатрактарны факультэт Беларускай нацыянальнай політэхнічнай акадэміі па спецыяльнасці «інжынер па арганізацыі дарожнага руху». У 1996 г. прыняты інжынерам па арганізацыі дарожнага руху ў ДАІ Заводскага раёна. У розны час займаў пасады камандзіра ўзвода ДАІ Цэнтральнага раёна, камандзіра ўзвода спецпадраздзялення ДАІ Мінска, начальніка спецпадраздзялення ДАІ Мінска. З 2008 года - намеснік начальніка ДАІ Мінска. З 2014 года - намеснік начальніка УДАІ МУС Беларусі.
